Shirish Kulkarni

(e/fe)

BA (Oxford), PGDip (Cardiff), FRSA

Trosolwyg

Rwy'n newyddiadurwr, ymchwilydd a threfnydd cymunedol sydd wedi ennill gwobrau. Rwy'n datblygu ffyrdd newydd o adeiladu newyddiaduraeth fwy effeithiol, atyniadol a chynhwysol.

Mae gen i dros 25 mlynedd o brofiad yn gweithio yn holl brif ystafelloedd newyddion darlledu'r DU, ac yn y Swyddfa Newyddiaduraeth Ymchwiliol. Mae fy arbenigedd yn rhychwantu arloesi, adrodd straeon, AI, cynhwysiant, iechyd meddwl a newyddiaduraeth gysylltiedig.

Mae fy ymchwil ar Newyddiaduraeth "Adlewyrchol" a "Modiwlaidd" wedi cael effaith fyd-eang mewn ystafelloedd newyddion, ac rwyf wedi cyflwyno fy ngwaith yn Sefydliad Reuters, Cymdeithas Cyhoeddwyr Newyddion y Byd, ar gyfer y Ganolfan Newyddiaduraeth Ewropeaidd a llawer o rai eraill.

Yn ogystal â bod yn Aelod o BAFTA ac yn Gymrawd Cymdeithas Frenhinol y Celfyddydau, rwy'n aelod o Weithgor Llywodraeth Cymru ar Newyddiaduraeth er Budd y Cyhoedd a'r Panel Arbenigol ar Ddatganoli Darlledu a Chyfathrebu. Rwyf hefyd yn sylfaenydd Inclusive Journalism Cymru, rhwydwaith sydd â'r nod o feithrin a chefnogi sector newyddiaduraeth fwy cynhwysol.