Dr Fiona Rawlinson

Trosolwyg

Mae gofal lliniarol a gofal diwedd oes yn parhau i fod yn hanfodol byd-eang. Mae datblygu ffyrdd arloesol o gefnogi anghenion y gweithlu sy'n newid yn barhaus mewn addysg gofal lliniarol yn parhau i fod yn brif flaenoriaeth wrth gadw'r claf wrth wraidd pob addysg feddygol.  

Astudiais ym Mhrifysgol Caergrawnt, wedyn yn hyfforddi fel meddyg teulu, ac ailhyfforddi mewn Meddygaeth Liniarol i ddod yn Ymgynghorydd yn 2004. Mae fy niddordeb mewn addysgu a hyfforddiant effeithiol a chefnogol wedi bod gydol oes. Fel Tiwtor Cwrs ar gyfer Diploma Caerdydd mewn Gofal Lliniarol rhwng 1998-2006 fe wnes i reoli'r cwrs wrth iddo symud o bapur i ddylunio ar y we a recordio dros 30 podlediad ar agweddau ymarferol ar ofal lliniarol. Deuthum yn Gyfarwyddwr Rhaglen yn 2015 a chyfarwyddo a datblygu portffolio ôl-raddedig o gyrsiau a gynlluniwyd i gwmpasu ystod eang o anghenion addysg gofal lliniarol a diwedd oes yng Nghymru ac ar draws y byd.

Mae tîm y cwrs wedi datblygu cwricwlwm diwygiedig ar gyfer yr MSc a'r PgDip sy'n adlewyrchu anghenion newidiol y tîm amlddisgyblaethol sy'n darparu gofal lliniarol ar draws pob lleoliad ac ym mhob gwlad. Mae portffolio ffyniannus o gyrsiau byr, gan gynnwys gofal lliniarol pediatrig ac oncoleg gymunedol ac ethos o gydweithio – cydweithrediadau llwyddiannus gyda sefydliadau fel y RCGP, yr hosbis plant yng Nghymru- Tŷ Hafan a chanolfan addysg ac ymchwil liniarol enwog Rhydychen, Sobell House.

Gan weithio gydag asiantaethau allanol, fel www.ecancer.org, rwyf wedi datblygu modiwlau mynediad agored ar gyfer gofal lliniarol yn Affrica Is-Sahara a gyda chydweithwyr ar gyfer India. Mae'r rhain yn adlewyrchu gwerthfawrogiad cynyddol o'r defnydd o dechnoleg i ddarparu addysg gofal pallaitive yn greadigol ac yn effeithiol. Rwyf wedi cefnogi datblygiad addysg gofal lliniarol yn Ne Affrica a thrwy rwydwaith ffyniannus o gyn-fyfyrwyr, rwy'n cefnogi datblygiad gofal lliniarol ym Mhacistan ac yn Rwsia a chyn wledydd Sofietaidd, gan weithio gyda'r sylfaen PACED a chysylltu â Chymdeithas Ewropeaidd ar gyfer Gofal Lliniarol.

Rwyf wedi dal swydd  Cyfarwyddwr Rhaglen Cyd-Hyfforddi Cymru  tan fis Rhagfyr 2021 ac rwy'n gweithio'n glinigol fel Ymgynghorydd mewn meddygaeth liniarol ar gyfer Hosbis y Ddinas, Caerdydd.

Themâu allweddol:

• datblygu sgiliau gofal lliniarol a diwedd oes y gweithlu iechyd a gofal cymdeithasol
• cyfathrebu, gweithio mewn tîm, mentora ac arweinyddiaeth
• Defnyddio technoleg i wella darpariaeth addysg
• Darparu addysg a fydd yn gwneud gwahaniaeth i ofal cleifion