Dr Helen Tilley

Trosolwyg

Helen Tilley yw Cyfarwyddwr Polisi ac Ymarfer (Llywodraeth Cymru) yng Nghanolfan Polisi Cyhoeddus Cymru, lle mae'n goruchwylio rhaglen waith y Ganolfan ar gyfer Llywodraeth Cymru ac yn cyfarwyddo maes blaenoriaeth Amgylchedd a Sero Net y Ganolfan (rhaglen Economi, Datgarboneiddio a Sgiliau gynt). 

Mae ymchwil Helen yn canolbwyntio ar gefnogi datblygu a gweithredu polisïau cyhoeddus ar sero net a datgarboneiddio; sgiliau; a chynhyrchiant a thwf economaidd.

Mae hi wedi gweithio'n helaeth ym maes datblygu rhyngwladol yn Affrica ac Asia; gyda llywodraethau a rhoddwyr gan gynnwys DFID, Banc y Byd, y Comisiwn Ewropeaidd ac asiantaethau'r Cenhedloedd Unedig. Mae ei gwaith wedi canolbwyntio ar adeiladu gallu llywodraeth ganolog a lleol i ddefnyddio tystiolaeth wrth lunio polisi; rheoli cyllid cyhoeddus a gweithredu diwygiadau cyllidebol; a datblygu polisïau cyhoeddus mewn meysydd gan gynnwys hinsawdd, addysg, iechyd, twf economaidd a lleihau tlodi. Mae gan Helen brofiad o arwain timau o ymchwilwyr; hwyluso gweithdai; a datblygu a chymhwyso fframweithiau dadansoddol a methodolegau gwerthuso a dysgu.

Mae gan Helen PhD ac MSc mewn Economeg o SOAS, a BA (Anrh) mewn Economeg o Brifysgol Caergrawnt.