Dr Siriol McAvoy

Overview

A hithau o Aberystwyth yn wreiddiol, mae Siriol wedi bod yn astudio ac yn gweithio yng Nghaerdydd fel athrawes mewn Addysg Uwch dros yr wyth mlynedd ddiwethaf. Cwblhaodd ei BA mewn Saesneg a Ffrangeg ym Mhrifysgol Nottingham yn 2007, cyn symud i Brifysgol Rhydychen ar gyfer gradd Meistr mewn Llenyddiaeth Ganoloesol.

Fe alwodd ymdeimlad o hiraeth hi yn ôl i Gymru, felly dychwelodd i gyflawni traethawd PhD ym Mhrifysgol Caerdydd, fu’n canolbwyntio ar foderniaeth, rhywedd a barddoniaeth arbrofol Gymreig yn Saesneg. Mae Siriol wedi gweithio mewn nifer o sefydliadau addysgiadol yn y DU a Ffrainc, ac wedi addysgu amrywiaeth eang o bynciau ym Mhrifysgol Caerdydd, lle bu’n Diwtor Ôl-raddedig (2010-16) ac Athro Prifysgol ôl-ddoethurol mewn Llenyddiaeth Saesneg (2017). Mae ei diddordebau ymchwil yn cynnwys barddoniaeth yr ugeinfed ganrif, gwaith ysgrifennu menywod, lleoedd a’r amgylchedd, diwygiadau hanesyddol a hunaniaeth ddiwylliannol.

Mae Siriol wedi cyhoeddi adolygiadau o lyfrau ac ymchwil i’r bardd Archentaidd-Gymreig Lynette Roberts. Yn ddiweddar mae hi wedi golygu llyfr o ysgrifau sy’n ystyried cwestiynau o ffinioldeb ac amgylchedd mewn moderniaeth Gymreig, o’r enw Locating Lynette Roberts: Always Observant and Slightly Obscure. Mae ei phrosiectau sydd ar y gweill yn cynnwys llyfr am Lynette Roberts, Virginia Woolf a’r gorffennol canoloesol, ac ymchwiliad i sut mae ysgrifenwyr benywaidd modernaidd yn defnyddio synaesthesia fel ffurf o waith cofio.